A Feira Franca é algo máis que unha desas feiras medievais que se puxeron de moda nos últimos anos. Ideada polo concelleiro Luis Bará, a festa supuxo todo un revulsivo na cidade que acababa de redescubrir o seu centro histórico liberado de automóbiles e recuperado para a convivencia. Participación, cultura de base, divulgación histórica, e festa, moita festa, están na base desta celebración de enorme raigame no calendario anual.
Con motivo dos seus dez anos, en 2009 programouse esta pequena exposición conmemorativa co fondo fotográfico existente e diversas informacións e textos sobre o sentido que ten esta celebración na que participan milleiros de persoas vestidas de época, tanto de dentro como de fóra da capital.
A exposición tivo lugar durante un mes no treito exterior da Rúa Serra, un espazo que por entón estaba recén recuperado para a cidadanía. O soporte, un novedoso sistema de cilindros de pvc forrados de vinilo. Un sistema económico e doado que deu moito xogo.