Unha das zonas máis nobres e visitadas da cidade ía estar durante un longo período en obras. Construíase o aparcadoiro soterrado da Praza do Concello e aproveitouse o valado de obra para difundir o coñecemento sobre ese importante lugar. Era o epicentro das máis importantes reformas urbanas da cidade nesa época dacabalo dos séculos XIX e XX.

O lugar no que desaparecían as murallas defensivas, o lugar no que o lobby cultural lograba amnistiar do derrubo parte do convento de Santo Domingo e o lugar no que se debuxaba a importante expansión da Pontevedra contemporánea, coa Alameda do arquitecto Sesmeros.

Durante bastantes meses o buraco ía estar arrodeado dun valado que se convertiu nun itinerario cultural de divulgación e coñecemento dunha época crucial para a historia urbana. Novos edificios e infraestructuras que convertirían a Pontevedra na capital que sempre quixo ser.

Deseñamos uns soportes poligonais irregulares que se fabricaron en madeira de chapa náutica resistente á humidade, dispostos darredor do valado e forrados con vinilo impreso. Estes soportes fóron reutilizados con posterioridade en diversas exposicións de rúa, como pode contemplarse noutras galerías, creando unha interesante economía de recursos. Eis unha referencia sobre o contido da mostra, con fondo documental elaborado polo director do Arquivo Municipal, Enrique Sotelo.