Unha carreira ciclista
Un pequeno traballo hai que tomalo co mesmo agarimo que cando o obxectivo e os medios son máis potentes. Así acontece co cartel dunha proba ciclista que esta fin de semana terá lugar en Pontevedra.
A cartelería en papel, lonxe de ter os días contados, como outros elementos nese soporte, ten un rol de prestixio nunha competición deportiva. Ademáis, é onde tradicionalmente se dispoñen os logos de organización, patrocinadores e apoios da convocatoria, tanto os propiamente deportivos como os que proveñen da implicación de empresas privadas ou institucións.
O cartel serve ademáis de referencia para outro tipo de elementos electrónicos, que estes sí son máis comúns nas campañas actuais. Neste caso, o encargo foi de Sera Martínez, da empresa NOKO. Necesitaban únicamente un cartel. Para montalo, propúxoselles este xogo efectista de tipografías e iconas, con cores cálidas e potentes, e unha fisonomía dinámica. Mola abordar proxectos que se xestionan coa ilusión que lle poñen estes impulsores do deporte.
