Verne, de El País, fíxase en Metrominuto

,

Esta semana díronnos unha nova importante. O espazo “Verne”, de El País, fixouse no Metrominuto como elemento de deseño que trascendeu a súa inicial dimensión local en Pontevedra e foi adoitado por numerosas cidades. Vaia por diante unha certa excusa por dedicar tanta atención a este planiño. Aconteceu estes días, a rebumbio da Semana Europea da Mobilidade, que como cada ano trae á axenda de moitos concellos este tipo de temas promocionais.

Segundo nos contaba o redactor, Pablo Cantó, chamoulles a atención non só polo deseño de “metro” que explota o mapa, senón tamén pola relevancia que últimamente ten nas redes todo o relacionado coa mobilidade. Temos que lembrar que “Verne” é unha publicación especializada en contidos que circulan por Internet, aos que prestan unha atención especial.

A verdade que fai un interesante repaso por algunhas iniciativas que xurdiron a partires da nosa publicación. Ana Montalbán, da Rede de Cidades que Camiñan, falou do Metromunuto con moito tino: Por moito mapa que teñamos, “sen políticas que comenten o camiñar pola cidade e sen infraestruturas para facelo, é só un folleto publicitario”. Sempre que vexo a Ana falamos diso e penso que ahí está a cuestión: o mapa non é o territorio. A realidade debe soportar ben o relato que dela fagamos Neste sentido, compre citad o modelo de cidade, recollido na web pontevedra.ok.

Durante todos estes anos foron moitas as referencias que cultivamos sobre Metrominuto, case sempre relacionadas coa mobilidade nas cidades, en case todas as ocasións motivadas polas iniciativas da Rede CqC. Aquí nesta mesma web podedes informarvos sobre a iniciativa e sobre máis accións de comunicación de Trix.

Verne recolle no seu artigo ademáis unha gran cantidade de versións do Mm. Ata 44, entre os que destacan as cidades de Sevilla, Córdoba, Vitoria, Granada, Cuenca, Ciudad Real, e unha versión moi curiosa que fixeron en Barcelona, onde plasmaron a rede real de metro, pero expresando as distancias e tempos camiñando entre as distintas estacións da rede. Tamén fai referencia a unhas iniciativas escolares que xurdiron en Málaga, onde o alumnado fabricou os Mm dos seus propios centros educativos.

Máis adiante falareivos dunha especie de fillo que tivo Mm: o Pasominuto, dedicado ao ocio activo, non tanto á mobilidade urbana.

Mil grazas a Verne e a Cantó pola súa publicación e a Ana Montalbán polas súas palabras!